Biyernes, Mayo 27, 2011

CASH o BUGAS?



SA REFERENDUM SA MAYO 6 
CASH o BUGAS?
     Rice Subsidy. Cash kini dili bugas! Gihatag kini sa DolePhil alang sa mga mamumuo matag bulan. Apan imbis direktang ihatag sa mamumuo ang kwarta aron sila makapili sa maayong kalidad sa bugas, ang AK-NAFLU-KMU nagmaniobra aron ang P1.8 milyon nga salapi matag bulan ilang manegosyo sa usa ka supplier sa bugas sa Surallah. Sa pagsugod, gihikyad sa unyon ang P5.6 milyon nga ginansya ug imbis nga bahinbahinon sa mamumuo, gimaniobra na pod sa unyon aron ang maong salapi ikapital sa pagatukurong ‘MINI-MART”. Apan nakurat ang mamumuo tungod kay ang ginansya sa mini-mart gibahin-bahin man lang sa mga opisyales sa unyon. Sa mamumuo ang kapital apan ang ginansya alang lang sa mga opisyales sa unyon? Bisan nga naglagot, miutong na lang ang mga mamumuo.

     Sa misunod nga negosasyon sa CBA, ang Dole management naghanyag nga dugangan ang “Rice Subsidy” sa mamumuo ubos sa kondisyon nga ihatag direkta sa mamumuo ang “CASH”. Midumili niini ang AK-NAFLU-KMU ug nagkanayon nga bahala og P400.00 lang gihapon basta ipaagi gyod sa unyon ang bugas. Dayag na kayo nga adunay bulawan diha sa bugas! Ania ang dakong kalainan kung moboto ang mamumuo sa Bugas o Cash.

KUNG CASH

KUNG BUGAS

ANG MAMUMUO MAKAPILI SA MAAYONG KALIDAD SA BUGAS NGA PALITON.
ANG MAMUMUO MAPUGOS PAGDAWAT SA BUGAS NGA DILI NILA GUSTO ANG KALIDAD.
MAHUNONG ANG KURAKOT SA MGA OPISYALES SA AK-NAFLU-KMU.
MAGPADAYON ANG KURAKOT SA MGA OPISYALES SA AK-NAFLU-KMU.
MAKATABANG SA PAGPALAMBO SA EKONOMYA SA POLOMOLOK.
MAKATABANG SA PAGPALAMBO SA EKONOMYA SA SURALLAH PLUS KICKBACK NI CHAIRMAN.
KUNG SINGLE, MAGAMIT NILA ANG P400 SA UBANG PANGINAHANGLANON SA BALAY.
KUNG SINGLE, MAPUGOS SILA PAGDAWAT SA BUGAS BISAN SUBRA SA PANGINAHANGLAN.
ANG TAGA MARBEL, TUPI UG GENSAN DIDTO SILA MOPALIT SA BUGAS SA ILANG LUGAR.
ANG TAGA MARBEL, TUPI UG GENSAN MAGLUKDO SA BAHO NGA BUGAS INIG PAULI NILA.
ANDAM MODUGANG ANG KOMPANYA SA “RICE SUBSIDY” UG IDIREKTA SA MAMUMUO.
POSIBLE NGA PUTLON SA KOMPANYA ANG “RICE SUBSIDY” SANGLIT KURAKOTON MAN SA KMU.
MAUNDANG ANG TABANG SA AK-NAFLU-KMU NGADTO SA TERORISTANG CPP-NPA!
MAGPADAYON ANG TABANG SA AK-NAFLU-KMU NGADTO SA TERORISTANG CPP-NPA!
MAPAKITA NATO NGA ANG TAGA DOLEPHIL ADUNAY BARUGANAN UG KAGAWASAN!
NAGPAKITA NGA KITA MGA UTOK –BOLINAW NGA GIKAWATAN SA ATUBANG!

     Tataw kaayo ang dakong kalainan sa itaas. Apan daghan lang gihapon ang sirado ang alimpatakan. Sa tanang abli ang pangisip, ipakita nato nga ang unyon nga oportunista aduna gayoy kinutuban!
                                                                                                                        
IBAGSAK ANG MANGINGILAD, KURAKOT, DIKTADOR, KOMUNISTA UG MAPAHIMUSLANONG AK-NAFLU-KMU!!!

IBOTO ANG “CASH”!!!                                                                                   
HUGPONG INDEPENDENTE

Walang komento:

Mag-post ng isang Komento